Компостирање – отпадот како ресурс

„Отпадот не е проблем, туку на него треба да се гледа како на ресурс, рече на вчерашната завршна прес-конференција директорката на Центарот за развој на Југоисточниот плански регион“, Жулиета Ѓуркова. На пресот беа презентирани резултатите од проектот „Размислуваме за компостирање-посветени на одржување на органскиот синџир. Проектот се реализира од страна на Центарот за развој на Југоисточниот плански регион и Асоцијацијата на Југозападни општини од Република Бугарија.

„Со проектот беа опфатени вкупно 27 општини-десет од Македонија и 17 од Бугарија. Со имплементацијата беа распоредени вкупно 800 компостери во домаќинствата во прекуграничниот регион. Во Југоисточниот регион компостери добија 400 домаќинства, а граѓаните кои добија компостери беа запознаени со процесот на компостирање преку инфо деновите, презентациите како и брошурите за компостирање кои им беа доделени. Беше креирано и емитувано видео за проектот и за компостирањето на регионалните телевизиски станици со цел подигнување на јавната свест и промовирање на придобивките кои луѓето и животната средина ќе ги добијат со компостирањето“, рече  Ѓуркова.