Колиба која „виси“ на работ од карпа

3Д визуелизаторот и архитектонски дизајнер Тилина Лијаниџ создава далечни засолништа и вили сместени во суров терен, на рабовите на дождовните шуми и карпите. Повеќето дела на кои работел овој архитектонски гениј се издвојуваат со нивното комплексно испреплетување на природни материјали како што се бамбус и дрвени греди за да се создаде модел – дива природа. Неговата најнова архитектонска креација зазема потполно нов пристап и ја позиционира колибата на самиот раб на џунглата, на карпа. За разлика од неговите претходни дела, оваа колиба е целосно изработена од стаклена фасада и метална обвивка.

Колибата се вика Клиф кабина и делува како да лебди во воздухот додека е прицврстена на страната на падината. Колибата е обезбедена на место со помош на долги и силни кабли од горната страна, додека под неа се поставени четири носачи за да има – темели. Рамномерната дистрибуција на својата тежина Лијаниџ и дава стабилност на оваа колиба и многу импресивен изглед. Сферите се користени за „заклучување“ на каблите и потпорите на место, што дополнително и дава елегантен изглед на колибата.

Кабината Клиф се издвојува со својот триаголен облик, стаклени површини и остри агли. Модерениот дизајн е оној што ја издвојува од претходните дела на Лијаниџ. За разлика од многу крутата надворешност, која се потпира на метал и стакло, внатрешноста на оваа колиба е исклучително пријатна. Елементите од природно дрво создаваат удобен амбиент и го прават навистина спектакуларно место за повлекување во прегратките на природата. Акцентите на природно дрво и метални крошни се споени на палубата на колибата, додека металниот покрив ги штити посетителите од лошите временски услови.