Кои зачински билки да ги одгледувате на балкон

Ако сакате да одгледувате на балкон барем нешто што можете да го користите во готвењето, најдобро е да изберете зачински билки.

Однапред изберете место за саксиите, прицврстете ги да не паѓаат и подгответе лесен хумус, измешан со малку стиропор. Ако балконот е свртен кон сонце, еве кои растенија најмногу се препорачуваат.

Рузмарин – го сака сонцето и има потреба од најмалку шест часа директна светлина во текот на денот. Ова ароматично растение, идеално е за употреба во кујна, но и за подготовка на козметичко масло, бара лрастресита, песочна почва.

Не го полевајте премногу често. На два-три дена, проверете ја почвата со прст – ако ви се лепи на кожата, сè уште не е време за полевање.

Рузмарин можете да берете во текот на целата година, а мирисот му е најсилн пред цветањето – на пролет. Исечете ги ластарите долги до 15 см, а листовите можете да ги исушите и да ги чувате во хартиена кеса, на темно и ладно место.

Мајчина душица – се користи како лековито растение, но и во кулинарството. И ова растение не бара многу внимание, погодно е за растресита почва во која може да има дури и ситен чакал.

Колку повеќе сонце добива, толку е посилен нејзиниот мирис и можете да ја берете во текот на целата година. Не дозволувајте почвата да се исуши целосно, а повремено додавајте и малку течно ѓубриво.

Жалфија – напредува на сонце, но и во сенка, со тоа што тогаш нејзиниот мирис нема да биде толку силен. Почетниците обично се изненадени кога ќе видат колку е привлечно ова растение, со прекрасни сиво-зелени листови кои изгледаат како да се покриени со сребро.

Се користи како зачин, но и во топли напитоци. Ова прекрасно, грмушесто растение може да издржи суша, затоа избегнувајте да го „давите“ со често наводнување.

Се бере во текот на целата година и листовите може да се сушат или замрзнат за подоцнежна употреба.