Клод Моне: Патот до совршенството на формата и бојата

Импресионизмот го доби името по една од неговите слики „Импресија, раѓање на сонцето“, меѓутоа, она по што овој сликар најмногу ќе остане запаметен се неговите дела инспирирани од лотоси.

Клод Моне, еден од големите сликари и зачетник на импресионизмот, роден е на 14. ноември 1840 година. Иако својот развоен пат го започнал како фигуративен сликар: „Појадок на трева“ или „Јапнака со лепеза“, во еден момент решил да се посвети на пејзажите и вовел револуција во сликањето.

„Лотоси“ се колекција од околу 250 слики, кои Моне ги создавал во текот на 30 години во градината на Живерни, имот што го купил за своето семејство и каде изградил рибник со егзотични растенија. Оваа серија слики му станала своевидно засолниште и уметничка терапија во времето на конфликти и турбуленции за време на Првата светска војна.

Ги сликал во различни периоди од денот и во различни годишни времиња, а припаѓаат на една од најбројните групи во историјата на уметноста кога станува збор за иста тема. Како што стареел, неговите дела станувале се поапстрактни, а лотосите му дале можност да го поедностави својот стил и да се фокусира на формата и бојата.

Кон крајот на својот 86 години долгиот живот, тој сонувал за „нешто што е невозможно да се наслика – вода со трева што се бранува во длабочините“. Ова резултирало со тоа неговиот колега Едуард Мане да го нарече „Рафаело на водата“.