Ќе се реконструира автопатот Куманово – Скопје

Во текот на овој месец ќе почне реконструкцијата на автопатот Куманово – Скопје, најави министерот за транспорт и врски, Владо Мисајловски при посетата на Куманово.

„Се работи за голема инвестиција во соработка со ИПА-фондовите. Целиот проект чини над 10 милиони евра. Првата фаза почнува во април, а следната за неколку месеци, што значи дека за околу 12 до 15 месеци ќе имаме нов автопат Скопје – Куманово“, рече Мисајловски.