Ќе се гради нова метро станица во Париз

Архитектот Кенго Кума заедно со група соработници победија на меѓународниот конкурс за дизајн на нова метро станица во Париз. Кума ја проектираше станицата Saint-Denis Pleyel, како еден од вкупно четирите проекти коишто треба да го комплетираат амбициозниот проект за Grand Paris Express.

Овој проект треба да ја модернизира постоечката транспортна инфраструктура во Париз, и да креира метро кое за кратко време ќе поврзува голем број населби во Париз.

Проектот предвидува јавни простори на неколку нивоа кои ќе ги поврзат двете области што моментално се одвоени со големата железничка линија на северното метро во Париз.