Кинетички мост во Лондон се отвора и затвора како лепеза

Британската фирма Knight Architects заедно со градежните инженери AKT II, го комплетираа пешачкиот мост Merchant Square Footbridge, мост во Педингтон, Лондон, кој се отвора и затвора во форма на традиционалната јапонска лепеза.

Составен од пет челични греди кои се креваат и спуштаат со помош на хидраулични дигалки, структурата има двојна улога и како кинетичка структура и како комплетно функционален пешачки мост кој им овозможува на пешаците безбедно да ги преминат 20 метри над каналот Grand Union Canal.

Широка три метри, палубата се подигнува секој петок за да ги пропушти бродчињата да поминат. Петте мостовски елементи-греди кои се прикачени на една страна, се отвораат во низа, секоја под различен агол, формирајќи атрактивна лепеза. Оградата  на мостот е дополнета со вградени LED светла кои го осветлуваат мостот во ноќта.