„Кинеска револуција“: Полна батерија на електрично возило за само пет минути

Инженерите на најголемиот кинески производител на електрични автомобили направија важен технолошки пробив создавајќи полнач кој овозможува целосно полнење на батеријата на возилото за само пет минути.

Инженерите на младиот кинески гигант на автомобилската индустрија BYD направија полнач кој овозможува целата батерија што го напојува електричното возило да се полни за само пет минути.

Тоа практично значи дека електричните автомобили на компанијата по тој параметар станаа еднакви на класичните возила со мотор со внатрешно согорување кои се полнат со бензин.

Оваа промена сликовито ја опиша извршниот директор на компанијата, Ванг Чуанфу, кој на неодамнешната прес-конференција рече: „Ние го направивме преминот од ера во која луѓето ги чекаат своите автомобили во ера во која автомобилите ги чекаат луѓето“.

Скратувањето на времето потребно за полнење е постигнато со зголемување на моќноста на полначот на 1.000 киловати, што е многу пати повеќе од типичните полначи, кои често имаат моќност од само 250 киловати.

Поради тоа, морало да бидат извршени промени во структурата на батеријата и карактеристиките на моторот и другите електрични системи на автомобилот, како што е климата.

Секако, ќе биде потребна и нова мрежа на полначи – BYD за почеток планира голема инвестиција во производство и инсталирање на 4.000 нови полначи ширум Кина.

Инаку, оваа година во Кина би требало да бидат инсталираат дури 460.000 нови полначи за електрични возила, со што вкупниот број на вакви уреди би се искачил на 2,1 милион.

BYD ја остава конкуренцијата зад себе

Пет минути полнење ќе бидат доволни за автомобилите да поминат 470 километри. Новата технологија за прв пат ќе се примени во моделите „хан Л“ и „танг Л“, кои BYD ќе им ги понуди на клиентите во април.

Акциите на најголемиот кинески производител на автомобили скокнаа за шест отсто на берзата во Хонг Конг по објавувањето на технолошкиот напредок, бидејќи се очекува брзото полнење не само што ќе даде предност пред другите производители на електрични возила како „Тесле“ или „Икспенга“, туку и во однос на водечкиот светски производител на батерии за автомобили, кинескиот ЦАТЛ, бидејќи „BYD“ разви целосен производствен процес, вклучувајќи и производство на сопствени батерии.

Вредноста на акциите на BYD се зголеми за 85 отсто во изминатата година. На ова влијаеше и воведувањето на новиот систем за автоматско возење, кој компанијата од Шенжен го нарече „божје око“.

Во иднина споменатите нови технологии треба да играат важна улога во освојувањето на европскиот континент што го планира BYD. Имено, фабриката во Унгарија треба да започне со работа во октомври годинава.

Уште една ќе биде отворена во Турција, најверојатно веќе следната година, а раководството на кинеската компанија, според медиумите во источна Азија, разгледува и потенцијални локации за трета фабрика во Европа.

BYD во првите два месеца оваа година произведе 27 отсто од сите електрични автомобили произведени во Кина и продаде повеќе од 405.000 во земјата.

Во јануари Кина извезе 900.000 автомобили, од кои BYD учествува со 16 отсто.