Кина нареди прекинување на работите во илјадници фабрики

Кинеските власти им наредија на илјадници фабрики привремено да ја прекинат работата, поради големото загадување на воздухот и чадот во градовите, кој го загрозува здравјето на луѓето. Пекинг е покриен со густ сив чад, а концентрацијата на честичките ПМ 2,5 надминува 598 микрограми на метар кубен. Безбедното ниво кое го пропишува Светската здравствена организација е само 25 микрограми на метар кубен. Властите во Пекинг затоа наредија прекин на работата на 2.100 фабрики, кои се најголеми загадувачи и ги советуваа граѓаните да не излегуваат од своите домови, објави весникот „Чајна Дејли‟.