Кина гради нова хидроцентрала вредна 2,7 милијарди евра

Кина започна со изградба на хидроцентрала на реката Јангце во автономниот регион Тибет, а вредноста на оваа инвестиција е проценета на 2,77 милијарди евра.  Се работи за централа која ќе има капацитет за производство на електрична енергија од  1200 MW,  а се очекува годишно производство од 5,4 милијарди kWh. Акумулацијата ќе има капацитет од 674 милиони m3 вода.

Крајот на изведбените работи е планиран за 2021 кога се очекува централата да биде пуштена во работа и сериозно да придонесе за развојот на областа Тибет.

Седумдесет отсто од жителите на Тибет се занимаваат со сточарство и има големи потреби од вода. Кинеската влада преку своите досегашни проекти има издвоено 3,43 милијарди долари за водна инфраструктура во оваа област.