Керозин од вода и јаглероден диоксид

Европската комисија објави дека во лабораториски услови е произведен керозин со помош на процес кој користи сончева енергија, јаглероден диоксид и вода. Европскиот проект Solar-Jet користи концентрирано симулирано сончево зрачење како енергетски извор за претворање на јаглеродниот диоксид и водата во облик на керозин. Тоа значи дека еден ден би можело да се произведуваат големи количини почисто гориво за авионите, автомобилите и сл. На тој начин значително би се зголемила енергетската сигурност, а доминантниот стакленички гас ќе се претвори во корисен ресурс.