Порта3 – градежништво, архитектура и екологија Порта3 – градежништво, архитектура и екологија

Улицата "Ломбард" во Сан Франциско е најпознатата крива улица во светот. Некои од најскапите имоти во Сан Франциско се наоѓаат токму на оваа адреса. Во пролет и лето кога ќе расцветаат сите цвеќиња покрај улицата, таа претставува вистински рај за очи. За уникатниот пејзаж од колоритна разиграност придонесуваат големиот број расцветани хидрангеи од двете страни на улицата.

Градините на Хаифа претставуваат многу важно место во животот на секој жител од овој град. Подигнати се во геометриски стил, а претставуваат каскадно поставени зелени површини, кои се спуштаат по падината на Кармел, од каде има прекрасна панорама кон градот и Средоземото Море. Ова совршенство е дело на архитектот Фарибурз Сахба. Овие градини се едно од најпосетените места во Израел.

Со доаѓањето на пролетта и покачувањето на температурите постепено ќе почнат да се појавуваат и саксиите со цвеќе по балконите. Цвеќињата, кои народот кај нас ги одгледува на балконите, најчесто се традиционални. Најчесто се одлучуваме за сезонски цвеќиња како пеларгониумот, вербената, петуниите, водениката и слично.

Бучавата е еден од главните фактори за намалениот квалитет на живеење, особено во урбаните средини, каде константно е присутна. За да се постигне намалување на бучавата, најчесто се користат бариери од најразлични материјали, не земајќи ја предвид едноличноста и монотонијата што може да ја предизвикаат. Единствена предност како решение за заштита од бучава е тоа што зафаќаат помала површина, но не може да се каже дека имаат поголем ефект од растителните паравани, бидејќи во целост ја одбиваат бучавата, но не ја апсорбираат.

Во озеленувањето во Македонија во голема мера покрај домашните (автохтони) се употребуваат и видови донесени од друг природен ареал (алохтони видови), приспособени за вегетирање во условите на нашето поднебје. Овие видови се нарекуваат егзоти. Кога станува збор за егзотични видови, прво што паѓа на памет кај нашата популација се палмите (Arecaceae или Palmae) и други тропски видови, меѓутоа покрај нив постојат и други лисно и цветно декоративни видови кои вреди да се споменат.

Со зголемување на вредноста на земјиштето во централните градски подрачја, луѓето сè почесто се одлучуваат за купување на помали парцели, со што си го скратуваат задоволството за простран двор. Во помалите дворни површини тешко е да се изврши рамномерно зонирање на териториите, па затоа најчесто се оди на варијанта со помал јавен дел пред самата куќа на сметка на приватниот дел кој најчесто се подига зад куќата или странично.

Основната цел на зелените површини, кои се составен дел од сообраќајниците, е да создадат поволни санитарно-хигиенски и микроклиматски услови, како и зголемување на естетскиот квалитет на градското живеење. Со правилно решавање на зелените површини долж сообраќајнците во градовите се збогатува просторната организација, и се надополнуваат сите околни објекти за целосно визуелно доживување на пејзажот.

Во зимскиот период, дури и кога ќе падне снег во градината, може да се создаде идилична композиција на снегот со растенијата. За доловување на еден таков пејзаж постојат најразлични растителни видови, кои со своите темнозелени или пурпурни листови и силно црвени, жолти и виолетови плодови, создаваат силен контраст на бесконечната белина која ја создава снегот.

На Белите планини во Калифорнија, на околу 3.000 метри надморска височина, расте исклучително издржлив вид на бодлив бор, иглолисно дрво кое е познато под латинското име Pinus aristata ( фам. Pinaceae). Подоцна е востановено дека тоа е најстарото растение во светот. Вообичаено, овој вид достигнува до десет метри височина, но има и постари единки кои достигнуваат димензии поголеми и од гигантските секвои.