Како Њујорк го рециклира отпадот?

Секој месец 18.000 тони отпад од метал, пластика, стакло и хартија кои граѓаните на Њујорк ги сортирале за рециклирање, одат во фабриката за рециклажа Sunset Park Material Recovery Facility. Погонот е лоциран во Бруклин, a изграден е според најнова технологија и работи од 2013 година.

Од друга страна, пак, за својата архитектура објектот е добитник на престижната награда која ја доделува градот, а тоа е „New York City’s Award for Excellence in Design“.

Ураганот Сенди кој ја погоди областа во текот на изведбата на објектот, го остави овој капацитет недопрен токму благодарение на проектот, кој сериозно бил фокусиран на сигурноста и одржливоста. Како изгледа процесот во оваа фабрика, погледајте во видеото.