Како ќе изгледа сараевскиот „тунел на спасот“?

Младата архитектка Сабина Тановиќ ја доби првата награда на конкурсот за најдобро идејно решение со кое ќе се реализира споменичниот комплекс наречен „тунел на спасот“ или „тунел на животот“, посветен на единствениот воен објект од овој вид преку кој во времето на опсадата на Сараево многумина го нашле својот спас.

Низ овој тунел во воените деведесетти секојдневно минувале илјадници луѓе, а вршена е и достава на лекови и храна.

„Во Европа денес има неколку вакви тунели кои се претворени во споменици и кои привлекуваат милиони посетители преку т.н. „црн туризам“. Сараевскиот тунел D-B, под аеродромската писта, копан е од две страни, Добриња и Бутмир, кои се споиле во летото 1993 год.

Тој е уникатен и не постои ниту една таква структура во Европа“, вели Тановиќ. „Милам дека не постои објект кој би можел да се споредува по однос на намената, структурата и начинот на кој е направен, а тој е и сведок на најдолгата опсада на еден град во модерната историја. Бројот на посетители секоја година расте и тој ќе биде се попопуларен како што ќе заминуваат живите сведоци на тоа  време“.

Според награденото решение, над земјата на овој комплекс ќе се наоѓа само влезот. Објектот постепено ќе понира под земјата и во моментот на спуштањето посетителите ќе видат што се случува долу. Ќе има голем број содржини, постојани и привремени изложбени поставки за тунелот, сувенирници и сл.