Како изгледа кога посетителите на музеи се речиси „идентични“ со уметничките дела?

Додека повеќето луѓе одат во музеи за да видат изложба или постојана изложба, еден австриски фотограф ги посетува од нешто поинакви мотиви. Имено, токму музеите и нивните посетители тој ги стави во фокусот на својот нов уметнички проект.

Целата идеја всушност е сосема едноставна – фотографот Стефан Драшан ги посетува музеите во Виена, Берлин и Париз, и ги фотографира посетителите кои гледаат одредена слика и се облечени речиси идентично со неа. Преку неговиот профил на Tumblr, овој фотограф редовно ги споделува своите нови дела, а позитивните реакции на публиката никогаш не изостануваат. Резултатот навистина изгледа навистина симпатично, но како што вели Драшан, не е лесно да се дојде до него. Поточно, тој знае за една добра фотографија да чека и по неколку часа.