Jean Verville Architectes додава „графичка димензија“ на бруталистички стан

Интензивно жолти детали се истакнуваат на бетонски и метални површини во оваа „креативна лабораторија“ што архитектот Jean Verville ја создал за себе во станбена кула во Квебек, Канада.

Канадскиот архитект, кој моментално е поделен меѓу работа во својата пракса и предавања на Факултетот за архитектура на Laval University во Квебек, го проектирал станот од 79 квадратни метри како простор во кој може и да работи и да живее.

Verville, основач на студиото Jean Verville Architecte, го опишува проектот како „архитектонски експеримент кој оркестрира простор со графичка димензија“.

Кулата од 1970-тите во која се наоѓа станот е проектирана од архитектот Marcel Bilodeau и е свртена кон Plains of Abraham Park пред реката St Lawrence.

„Како место за набљудување кое нуди неверојатен поглед на планините Laurentian, урбаниот пејзаж и реката St Lawrence, внатрешноста оживува со непроменлив однос тело-тело помеѓу транспарентноста и рефлексијата, додека ја трансформира реалноста преку дистанцирање и мултипликација“, вели архитектот за Dezeen.

Станот бил целосно урнат за да се остави необработена бетонска школка, со прозорци на северната и јужната страна што внесуваат светлина во длабокиот простор.

Наместо ѕидови, Verville поставил низа лизгачки прегради за да може да ги отвора или затвора просторите по желба.

Овие стакла и огледала се поставени на метални шини и ја одбиваат природната светлина низ станот, овозможувајќи компактната единица да се чувствува поголема отколку што е.

„Со собирање или одземање, овој флексибилен систем ја фрагментира основата на станот на шест алтернативи на распоред со неодредени функции, нудејќи до седум различни простори“, вели  Verville. „Во меѓувреме, флексибилните ролетни со металик завршна обработка овозможуваат опција со отворени рабови, како и целосна приватност“.

Покрај балконот свртен кон југ се наоѓа кујната, која има комерцијален ресторански мебел од не’рѓосувачки челик кој се претопува со сивата бетонска школка.

Централниот остров е опремен со два мијалници, секој со голема светилка со крак во интензивно жолта боја кој ја движи, поставена на ѕидот позади.

Светилките може да се прилагодат на позиција над која било површина на кујнскиот пулт за да помогнат при подготовката на храната.

Собите кои се формираат од преградите вклучуваат простор за спиење опремен само со едноставен низок кревет и работна соба каде што едноставно метално биро е свртено кон прозорецот.

Во дневниот простор има софа во боја на ‘рѓа и црн лакиран стол распоредени околу пар масички за кафе.

„Стратешкото позиционирање на опремата ја одржува постојана физичка и визуелна пропустливост за да се неутрализира компактноста на единицата“, вели Verville.

Сервисните услуги, цевките и каналите се изложени низ целиот стан, покажувајќи како функционира како функционален простор.

Останатите еклектични предмети кој се наоѓаат во резиденцијата даваат чувство на креативна лабораторија, во која нејзините станари експериментираат со просторот и чинот на живеење во него.

„Стаклени шишенца од секаков вид, модели и разни истражувања, утилитарни предмети и растенија разместени се на полиците, враќајки го духот на кабинет на љубопитност во разигран приказ на секојдневниот живот“, вели архитектот.