Јавен повик за доделување на „Голема годишна награда на на ААМ“

Согласно член 41 од Статутот на ААМ и согласно Правилникот за доделување на „Големата годишна награда на ААМ“, Управниот Одбор на Асоцијацијата на архитекти на Маледонија објавува Јавен повик за доделување на „Голема годишна награда на на ААМ“ за најуспешно реализирано архитектонско дело за 2024 година.

Асоцијацијата  на  архитекти  на  Македонија  (ААМ)  секоја  година  доделува „Голема годишна награда на ААМ“ за најуспешно реализирано архитектонско дело.

Покровител на наградата е Претседателот на Република Северна Македонија. Право на учество имаат сите архитекти со завршен VII степен на образование и кои се државјани на Република Северна Македонија.

Учесниците пријавуваат свои  авторски  дела  – реализирани  архитектонски објекти  на  територијата  на државата, кои се изведени во истата календарска година.

Право на предлагање на учесници имаат и сите физички лица, државјани на Република Северна Македонија.

Предлогот треба да содржи:

• име на објектот
• име на авторот / авторите
• овластување на проектантот / проектантите
• технички опис
• извод од план, ситуација
• сите графички прилози (основи, пресеци, изгледи), 3Д визуелизации
• фотографии од објектот

Наведениот материјал се доставува електронски на e-mail: [email protected]

Рокот за предавање на горенаведената документација е до 30.11.2024 година.

Напомена: Учесниците кои не се членови на ААМ, а се наведени како автори, за учество плаќаат котизација од 3.500,00 денари по пријавен труд. Доказот за уплата на котизацијата е потребно да се достави со останатите материјали.

Лице за контакт: Биљана Насковиќ, диа

Телефон за информации: 078 472 484