ЈАР – новата ветена земја за ветерните централи

Јужноафриканската Република стана новото средиште на збиднувањата во брзорастечката индустрија на ветерните централи. Се очекува до 2020 година моќноста на новоинсталираните јужноафрикански ветерни централи да достигне 3GW, со што вкупната моќност  на овие централи во ЈАР ќе изнеува 5,6GW, тврди консултантската куча GlobalData. Интересно е дека се до 2012 година производството на електрична енергија од ветер речиси воопшто не постоело во ЈАР, односно вкупната инсталирана моќност изнесувала одвај 10MW.

Но, во 2013 година, новоинсталираната моќност изнесувала 30MW, во 2014 се зголемила за нови 606MW, а во 2015 уште 483MW. Развојот на оваа технологија за производство на електрична енергија ќе и помогне на земјата во постигнувањето на климатските цели, односно во намалувањето на емисијата на стакленички гасови, бидејќи во моментот во електроенергетскиот систем на ЈАР најзастапени се термоцентралите на јаглен кои емитуваат околу 250 милиони тони јаглерод диоксид годишно.

Со реализација на амбициозната програма за енергија од ветерот, емисијата на стакленички гасови се очекува значително да се намали.