Јапонска куќа инспирирана од птичје гнездо

Јапонскиот архитект Kimihiko Ohada е проектантот на оваа куќа наречена Toda House, во Хирошима, Јапонија.

Локацијата се наоѓа во станбена област во Хирошима со далечни видици кон Inland Sea и  Miyajima.

Земјиштето на оваа област се развива во вид на платформи со различни нивоа. Од архитектонскиот концепт се бара да биде со поглед над соседните куќи, да обезбеди сигурност поради позицијата на крајот од соседните парцели и да се овозможи во иднина надоградба на простории за мала продавница.

За да одговори на барањата, архитектот ја „одлепува“ куќата од парцелата, подигнувајќи ја на слободни столбови во приземјето. Налик на птичје гнездо, овде архитектурата е ослободена од какви било препреки. Куќата е отворена за погледи но обезбедува и приватност. Меѓукатната конструкција и кровот се состојат од една континуирана плоча. Варијациите на циркулација и разновидните просторни односи се воспоставуваат со поставувување на продорни скали. Проширената плоча остава простор за можно идно проширување и импресионира кога се гледа од приземјето.