Jавна расправа за регулација на коритотo на Брегалница

Во Штип се одржа јавна расправа за регулација на коритото на река Брегалница. Се дискутираше по нацрт-верзијата на „Студијата за можности за регулација на коритото на река Брегалница“.Присутните дискутираа за можноста од поставувањето на мини-акумулации, брани и каскади. На јавната расправа присуствуваа над 50 заинтересирани претставници од регионот и пошироко.

Воведно обраќање имаше градоначалникот на Општина Штип, Зоран Алексов
кој напомена дека станува збор за проект кој е од особена важност за
општините од регионот. -Со негова реализација ќе се обезбеди регулирање
на коритото на река Брегалница но и креирање на мини брани. Планирани се
15-тина брани по течението на Брегалница од кои дури 5 се во Штип.
Малите брани ќе овозможат смирување на водата во коритото на одредени
локации, а со тоа развој на одредени позитивни моменти-напомена Алексов.

Проектот вклучува можност за биолошки минимум, вода за наводнување на
земјоделски површини, а во градовите со мини брани, развој на
туристичко-рекреативни локации. Ова се само дел од позитивните аспекти
на проектот кој нуди и развој на поголеми акумулации. Со изготвување на
проектот ќе бидат формирани мали езерца со просечна должина од околу
еден километар при што покрај конструкцијата на браната ќе се уредат и
бреговите. Само за браната се потребни околу 400.000 евра (ископ,
регулација и конструкција на гумената вреќа), додека уредувањето на
коритото од двете страни ќе бара повеќе средства, кои можат да се
обезбедат по пат на јавно-приватно партнерство. Браната би била со
височина од максимум 2 метри со што би се обезбедило широчина на
коритото од 40-50 метри и негово просторно средување.
Д.Ристов