Израз на стил – мермерните кади Dedalo

Колекцијата мермерни кади на италијанскиот бренд Dedalo нуди различни избори на дизајнот и гарантира целосно прилагодување на производот. Кадите Dedalo се направени од еден блок мермер и благодарение на нивната патентирана технологија за обработка на каменот, тие имаат многу мала тежина, што ја олеснува нивната инсталација во бањата.

Cratere

Колекцијата на кадите Dedalo содржи повеќе модели.  Мермерна када „Cratere“ се карактеризирана со кружен облик и доаѓа во две димензии со дијаметар 160 и 170 сантиметри, а мермерната када „Nuvola“ со своите меки и скулптурални форми може да биде со димензии 85/190 или 90/200 сантиметри. Тие се совршени елементи за модерните и пространи бањи. Можат да бидат поставени покрај ѕид, но и двата модела најдобро ја изразуваат својата убавина ако се постават во центарот на просторот.

Nuvola

Кадата „Onda“, со правоаголна форма и со остри линии, е идеална дури и за помали простории и може да се комбинира со мермерена туш када и соодветен мијалник.

Onda

Моделот „Hydra“ е производ кој Dedalo го промовира на најважните меѓународни саеми за мермер како што се Marmomac во Верона и Fuorisalone во Милано. Дизајнирана е со брановидно, ергономско и елегантно мермерно седиште, во комбинација со две транспарентни кристални плочи. Оваа када може да се прилагоди со димензиите и се добива од единствен мермерен блок во работилницата на во Carrara.

Hydra

„Lira“е исклучително елегантен мермерен предмет, дизајниран да опреми бањи со префинет вкус, како класичен, така и модерен. Нејзиниот дизајн потсетува на минималистички стилски компоненти, типични за современиот мебел, но истовремено основната форма и потпирачот за глава во мермер и ковано железо асоцира на имагинацијата на античките Римјани.

Lira

Покрај тоа што Dedalo нуди кади со различни димензии и форми, брендот нуди можност и за избор на типот на мермерот, како што се: bianco carrara, bardiglio nuvolato, calacatta caldia, crema luna, onice arcoiris и rosso collemandina.