Порта3 – градежништво, архитектура и екологија Порта3 – градежништво, архитектура и екологија
Денес во Музејот на историја на Југославија во Белград ќе биде отворена изложбата насловена Lifting the Curtain. Central European Architectural Networks.
Изложбата „Подигнување на завесата. Централнoевропски архитектонски мрежи“ е создадена во соработка со истражувачи и организации од Полска, Австрија, Словачка, Чешка, Унгарија, Хрватска и Србија.
Изложбата претставува долгорочен истражувачки проект кој ја испитува улогата на централноевропските меѓународни архитектонски мрежи во различни фази, од почетокот на 20 век до адаптацијата на периодот по Втората светска војна, и нејзиното влијание врз пост-социјалистичките држави во регионот.
Со придонес од најактивните центри во регионот, овој проект претставува единствен обид да се обнови и продолжи да се одржуваат овие мрежи.
Проектот ги истражува клучните промени кои ја формирале модерноста во Централна Европа, со цел да се покаже локалниот прием и афинитетите кон глобалната модерност. Со цел да се илустрираат специфичностите на овие национални и транснационални приказни, како и мултидисциплинарните трансфери, изложбата се фокусира не на елементите, туку на механизмите на архитектонската продукција.
Триесет студиски теми се организирани во шест тематски целини: Соработка, Истражување, Експерименти, Средби, Размени и Јавност. Како еден вид на „посредници“ помеѓу тематските целини, на изложбата се претставени и поединечни архитекти кои формирале околу себе архитектонски кругови, работеле на развојот на колективниот архитектонски дискурс и значително придонесле за трансфер на модернизмот во локален контекст.
Нивната работа е претставена аналитички, преку графикони кои ги поврзуваат градовите, архитектите, институциите и важните настани или проекти.
Изложбата инаку е подготвена за Collaterals na la Biennale di Venezia 2014, а белградската публика и пошироката јавност од регионот ќе имаат можност да ја погледнат во периодот од 12 мај до 12 јуни.
Организатори на изложбата се Фондацијата за полска современа уметност – PMAF, Музејот на историја на Југославија, Белградска интернационална недела на архитектура (БИНА 2015) и „Група Архитекти“. Спонзори се Министерство за култура и национално наследство на Република Полска и Министерството за култура и информации на Република Србија.
