Изложба „Париз – Скопје: приказна за меѓународна донација“ во МСУ

Во Музејот на современа уметност, во 20.30 часот ќе биде отворена изложбата „Париз – Скопје: приказна за меѓународна донација“ со француски дела во рамките на постојаната колекција во Музејот, меѓу кои и делото од основачот на кубизмот Пабло Пикасо.
Автор на каталогот со историски осврт кон француската донација на делата е реномираниот француски историчар на уметност Силвен Лекомбр, поранешен директор на музејот „Задкин“ во Париз. Ова е издание на „Магор“.

Француската збирка на МСУ содржи 47 дела, а за оваа изложба првпат ќе бидат изложени 30 дела.