Порта3 – градежништво, архитектура и екологија Порта3 – градежништво, архитектура и екологија
Изложбата „Во јадрото на Балканот – раката гледа“ на академикот Глигор Чемерски ќе биде претставена на 10 декември 2014 година во Москва, во галеријата на Руската академија на уметноста „Зураб Цератели“.
Изложбата е по повод неговата инаугурација во почесен член на Руската академија на уметностите „Императорска“ и е поддржана од Министерството за култура на Република Македонија.
Академикот Глигор Чемерски е првиот македонски уметник на кого му е укажана оваа огромна чест од страна на Руската академија.
Овој чин е своевидна универзализација на културните вредности на Македонија, признаени и препознаени од страна на Руската академија на уметностите, на чија покана, во најзначајното културно и уметничко средиште на Москва – Галеријата „Зураб Церетели“, во чест на инаугурацијата ќе се одржи изложба на дела на овој наш голем автор.
На изложбата во Москва ќе бидат изложени 43 дела од повеќе циклуси како своевидно ретроспективно претставување на повеќедецениското творештво на Глигор Чемерски.
