Порта3 – градежништво, архитектура и екологија Порта3 – градежништво, архитектура и екологија
Со монтирање на одводните цевки на дел од улицата „Глигор Прличев“ во Кочани до коритото на Кочанска река, заврши поставувањето на атмосферската и фекалната канализација во најкритичните делови во градот.
Со ова се создадени услови за прифаќање на поројните води создаваа проблем за жителите од централното градско подрачје.
– За оваа намена од Општина Кочани добивме финансиски средства од 16 милиони денари и работиме според однапред договорената програма, изјави Љупчо Папазов, директор на Комуналното јавно претпријатие „Водовод“ од Кочани.
Досега е изработена и поставена атмосферска и фекална канализација и на улиците „Маршал Тито“, „Кеј на револуцијата“ и „Стево Теодосиевски“, со што е прифатена водата од улиците во централното градско подрачје.
