Изграден првиот подморски кружен тек

По три години изградба, Фарски Острови се подготвени да отворат мрежа подморски тунели, која вклучува и кружен тек. Тие ги поврзуваат островите Стрејмој и Ејстурој во мрежа чија вкупна должина изнесува 11 километри.

Атрактивната подморска сообраќајница ќе го скрати патувањето од главниот град Торсхавн до Рунавик од еден час и 14 минути на само 16 минути. Во својата најниска точка, тунелите одат до 187 метри под површината на морето. Истовремено, за да се направат тунелите безбедни за користење, најстрмниот наклон е со градиент од само пет отсто.

Официјалното отворење е закажано за 19 овој месец, а два дена претходно ќе иматест возење. За користењето на подморските тунели ќе се плаќа патарина од 75 дански круни во еден правец (десет евра).