Италија продолжува да ја поддржува изградбата на „Јужен тек“

Италија ќе продолжи да ја поддржува изградбата на рускиот гасовод „Јужен тек“, кој останува стратешки проект, изјавила италијанската министерка за економски развој Федерика Гвидо. „Ја поддржуваме реализацијата на гасоводот „Јужен тек“. Ова е проект кој останува стратегиски не само за нашата земја туку и за Европа. Ќе продолжиме да го поддржуваме во согласност со европските стандарди“, додава италијанската министерка.
Таа истакнала дека Рим ги поддржува и обидите на Европската комисија да развие алтернативен план во врска со гарантирањето на енергетската безбедност на Европа, имајќи ги предвид случувањата во Украина.