Италија ќе го ограничи бројот на туристи за да ја заштити природата во крајбрежните гратчиња

Италија сериозно планира да го намали бројот на туристи кои ова лето ќе го посетат  заштитеното подрачје „Cinque Terrе“, Национален парк кој се наоѓа на листата на UNESCO од 1997 година.

Се работи за област со пет мали гратчиња со извонредна живописност, која ги вбројува меѓу најзначајните дестинации на медитеранското крајбрежје. Но, од година во година крузерите полни со туристи почнуваат да го загушуваат овој природен предел и да предизвикуваат поголема штета отколку бенефит за локалната економија.

Минатата година, овој дел на северозападна Италија го посетиле скоро 2,5 милиони туристи. Локалното население вели дека туристи со крузерите стигнуваат секојдневно, а шефот на паркот „Cinque Terrе“, вели дека нивниот број би требало да се намали на 1,5 милиони годишно, пренесува „Guardian“.

„Ние сигурно би биле критикувани за овој потег, но тоа е за нас прашање на опстанокот“, додава тој. Патиштата што водат до овие подрачја се опремени со уреди за мерење на бројот на посетители, а кога ќе се достигне одреден број, пристапот ќе биде затворен. Влезниците би се продавале online.