Исидора – скулптурална маса за кафе

Дизајнерското студио од Лос Анџелес, Kelly Wearstler, го основала во 1995. година истоимената дизајнерка.

Нејзиниот пристап на дизајнот е фокусиран на креирање слоевитеи, стимулирачки, сензитивни искуства за резиденцијални, угостителски и комерцијални проекти. Пример за овој пристап е Исидора – маса за кафе, парче мебел кое комбинира скулптура и функционалност.

Оваа маса за кафе содржи база направена од шест нозе, лиени од бронза, кои се рачно полирани поради автентичност. Од шест, вкупно три нозе се свртени кон горе за да ја поддржуваат горната површина на масата, а останатите три се поддршка на конструкцијата. Горната површина е направена од стакло во рамка од истата нијанса бронза.

Исидора скулптуралната маса за кафе со својата форма претставува парче мебел кое паѓа во очи каде и да се постави. Масата се прави по нарачка и на достава се чека 24 недели, а нејзината цена изнесува 28.995 долари.