Инсталација „Ветрогон“ на Атанас Атанасоски во МКЦ

Денес, 12 ноември, во галеријата на МКЦ, ќе биде поставена уметничката инсталација на Атанас Атанасоски насловена „Ветрогон“.

Инсталацијата – објектите се направени од растение – трн, во народот познат како ветроган. Интересно е тоа што напитокот од трнот се користи како лек за простата а познат е и како „природна вијагра“.

Атанас Атанасоски е роден на 30 јануари 1961 година во Прилеп. Дипломирал во 1987 година на Факултетот за ликовни уметности во Скопје. Постдипломски престој на ФЛУ во Будимпешта 1992-1995 година.

Докторирал на Институтот за национална историја во Скопје во 2010 година на тема „Историско-уметничките аспекти на орнаменталните мотиви во ѕидното сликарство на спомениците во Пелагониската епархија од XII до XVII век“.