Иновативни фасади за флексибилност на зградите

Впечатлив лик и за едноставно практичните згради

Барањата за функционалност на зградите непрестајно се зголемуваат, а од суштинска важност е и архитектите, инвеститорите и клиентите да можат да ги остварат своите творечки импулси. Флексибилната текстилна фасада Schüco FACID овозможува различни фасадни концепти, како на пример да се даде нов лик на веќе постоечка зграда, да се пренамени нејзината функција или да се создаде впечатлив дизајн на објекти како катни гаражи, трговски центри, училишта и болници само со помош на исклучителната слобода на дизајн на фасадата.

Катна гаража на Schüco во Билефелд, Германија, 2019 г.

Креативни форми

Многубројните опции за конфигурирање на FACID помагаат за создавањето на тродимензионални фасади со впечатливи форми и бои и слободен избор за начин на монтажа. Елементите можат да се оформуваат индивидуално за создавање на уникатна фасадна структура со наизменично вдлабнување и истакнување. Фигурите можат да бидат правоаголни, квадратни, многуаголни или заоблени и се произведуваат од специјален текстил од фибро-стакло, кој не гори и одговара на барањата на класа противпожарност А2.

Деловен објект Gotha Cosmetics, Бергамо, Италија, 2020 г.

Фасади со карактер

Транспарентноста на платното FACID дава можност за креативно осветлување. Светлосните ефекти во различни бои го надополнуваат карактерот на обвивката на зградата и му овозможуваат на архитектот да остави свој индивидуален потпис.

Без разлика дали станува збор за лого на компанија, реклами или корпоративни слогани, ткаенината може да се печати индивидуално според барањата. Благодарение на лесната монтажа – без специјални алатки и машини и без прекин на користење на зградата, фасадата може да се редизајнира во секое време.

Деловен објект Schuhhaus Mücke, Кулмбах, Германија, 2018 г.

Идеја и иновација

Schüco го создава својот патентиран текстилен фасаден систем FACID, за да ги задоволи зголемените барања на архитекти, инвеститори и клиенти за функционалност и дизајн.

Ефективната отпорност на атмосферски влијанија, заштитата од отсјај и директна сончева светлина, обезбедувајќи јасен поглед кон надвор, го прават FACID совршено решение за креативни, модерни градежни конструкции.