Иновативни динамички стаклени покриви

Големите комплекси, како што се трговски центри, хотели или конференциски центри, не се многу познати по енергетски ефикасна градба, но никако не значи дека тоа треба да се смета за правило.

Работејќи под мотото „удобност во затворен простор, слободно време на отворено“, турската компанија „Libart“  проектирала иновативен покрив кој има можност да биде подвижен.

Овој систем помага во заштеда на енергија кај големите простори овозможувајќи природна светлина и свеж воздух во услови на пријатно време, а со помош на едно копче да се затвори секогаш кога тоа е потребно. На овој начин, затворениот комплекс станува комплекс под ведро небо.

Спуштениот стаклен покрив познат под името „модерна архитектура во движење“ го облагородува скоро секој простор без оглед на неговата големина.