Иновација од Задар: Ветерна турбина која може да ја користи енергијата од орканската бура

Иновацијата на задарскиот професор по физика Ранко Артуковиќ, со која ветерните турбини би можеле да ја користат и енергијата од орканската бура за производство на електрична енергија, би можела да донесе револуција во оваа индустрија.

Имено, познато е дека постоечките електрани поради сигурносни причини запираат при одредена висока брзина на ветерот. „Штом брзината на ветерот е повисока од 90 km/h сложените системи од заштитни блокади реагираат со цел да се спречат непожелни вибрации, резонанса и рушење.

Замислете ја таа иронија, тогаш кога имате највеќе енергија на располагање, вие не можете да ја користите. Мене најмногу ме заинтересира како да се надмине оваа состојба, односно да се реши најголемиот недостаток на постоечките решенија“, објаснува Аруковиќ за HRT.

Цената на произведената електрична енергија од новата ветерна турбина е пет пати поевтина, тврди Артуковиќ. Не се сомнева дека сериозни инвеститори ќе бидат заинтересирани за неговиот модел.