Иновација и висока технологија со префинета изработка

Hermes за претставување на четвртото издание на својата Home колекција, Hermes en Lumiere, ја избра атмосферата во Palazzo Serbelloni во Милано.
Оваа палата датира од 18 век и била совршен амбиент за презентација на нивните нови колекции, кои за првпат досега го претставуваат и осветлувањето како суштински елемент.

„Ова е мала колекција, но совршено го отсликува Hermes“, изјавила Helene Dubrule, директор на овој бренд, за време на презентацијата на колекцијата на миланскиот саем за мебел I Saloni. Оваа колекција е комбинација на иновација и висока технологија со префинета изработка. Дизајнерите што го направиле ова, навистина се поистоветиле со светот на брендот Hermes.

Hermes претстави три LED колекции на осветлувања, и иако сите тие имаат многу различни форми, сите совршено го истакнуваат овој бренд, со своите рафинирани материјали и раскошно изработени структури.
За оваа колекција, што е направена во соработка со архитектот Michele de Lucchi, биле потребни три години. „Секое парче во колекцијата е врвен елемент на инженерингот и многу внимателно е проучуван. Дизајнот на ламбите е многу возбудлив. Се мешаат многу дизајнерски теми, од скулптура до мебел“, истакнал De Lucchi.