Иницијативата за одбрана на Дебар Маало бара да запре издавањето дозволи за градба

Иницијативата „Во одбрана на Дебар Маало“ го поздравува напорот на  градоначалникот на општина Центар, Андреј Жерновски, за изградба на монтажен паркинг и поставување заштитни столпчиња на улиците за да го реши проблемот со блокираните тротоари и нерешениот паркинг-простор. Но, според нив, тоа е  како ставање фластер
на отворена фрактура на потколеница.

Тие инсистираат да се изработат научни студии и стратегија за развој на маалото за кои ќе бидат консултирани и оваа општина да престане да издава дозволи за градба додека не се установи фактичката состојба.