Индустрискиот стил за квалитетен комфор

Индустрискиот стил при ентериерното уредување станува сè популарен на пазарот, бидејќи овозможува одредени незавршени делови во самиот простор да претставуваат дел од декорацијата. На следниве фотографии е претставен апартман во Москва кој е модерен, комфорен и ги носи карактеристиките на апартман уреден во индустриски стил.

Употребата на бетонот како декоративен елемент, потоа челикот и недообработеното дрво се дел од својствата што го прават овој апартман совршено место за живеење. Употребата на жолтата боја е една од карактеристиките преку кои тој се издвојува од останатите ентериери во истоимениот стил. Дневниот простор има двојна висина, додека седењето во него е решено преку модуларен тип на гарнитура која се трансформира и адаптира во зависност од користењето.