Имиграцијата клучна за британските компании

Велика Британија мора да ја остави вратата отворена за најголемите таленти ширум светот ако сака нејзините технолошки компании да просперираат, изјави главниот дизајнер во американскиот технолошки гигант „Епл“, Џонатан Ив, гостувајќи на програмата на британското радио ББЦ, информира Макфакс.

„Тоа општо правило во пристапот е страшно важно за креирање на контекстот во кој многубројни компании ќе растат и на здрав начин ќе истражуваат и развиваат нови производи“, рече Сер Џонатан Ив.

Овој Британец на чело на дизајнерскиот тим на „Епл“ од 1996 година е заслужен за изгледот на уредите како „Ајфон“ и „Ајпод“, како и нивните останати физички карактеристики.