ИКС номинатор за глобалната награда Earthshot Prize под покровителство на Принцот Вилијам

Институт за комуникациски студии ИКС е поканет да биде номинатор за глобалната награда за животна средина Earthshot Prize. Покровител на оваа престижна награта е Неговото Височество Принцот Вилијам. Целта на наградата е да поттикне промени и да помогне да се поправи нашата планета во следните десет години.

Наградата Earthshot е фокусирана на пет мисии – едноставни, но амбициозни цели кои, доколку се постигнат до 2030 година, ќе го подобрат животот на сите нас. Годинава ќе се избираат победници во пет категории:

– Заштита и обнова на природата (Protect and restore nature)

– Чист воздух (Clean our air)

– Оживеј ги океаните (Revive our oceans)

– Создај свет без отпад (Build a waste-free world)

– Подобра клима (Fix our climate)

Најдобрите решенија во секоја категорија ќе добијат парична награда и поддршка за развивање на нивните решенија.

Рокот за номинирање е 4 март 2022 година. Повеќе информации можете да видите тука.