ИКЕА започна со продажба на фотоволтаични панели во Полска

Шведскиот производител на мебел ИКЕА започна со продажба на фотоволтаични модули во Полска. Со оглед на фактот што се работи за производ кој е кршлив и сложен за инсталација, ИКЕА во овој случај направи исклучок од своето правило „направи сам“. Компанијата обезбедува стручна инсталација на модулите кај своите купувачи. Во моментот Полска е четврта земја во која ИКЕА ја нуди својата фотоволтаична опрема, откако компанијата веќе се појави со овој свој производ на пазарите во Велика Британија, Швајцарија и Холандија.