Хортикултурната историја на Лондон прикажана на „Garden Bridge“

Англискиот дизајнер Thomas Heatherwick го објави проектот за т.н. „Garden Bridge“, нов мост во Лондон каде што ќе бидат прикажани голем број растенија од хортикултурната историја на градот. На мостот ќе бидат засадени вкупно 270 дрвја, 2.000 грмушки, околу 22.000 едногодишни цвеќиња, папрати и различни видови на трева. Дополнително ќе бидат додадени 64.000 светилки во бујната вегетација на мостот. Дизајнерот Dan Pearson дизајнираше пет различни пејзажни области на мостот, односно планира негово проширување за 6.000 метри квадратни, со цел подобро прикажување на историските хортикултурни растенија уште од пред неколку века и истовремено добивање на поголем простор за движење на луѓето.