Холандскиот архитект Рем Колхас прославува 70 години

На 17 ноември 1944 година е роден познатиот холандски архитект Рем Колхас и денес тој прославува 70 години. Тој претставува една од највлијателните личности во светот на архитектурата. Remment Lucas Koolhaas, познат како Rem Koolhaas е архитект, архитектонски теоретичар, урбанист и професор на Школата за дизајн при Хардварскиот Универзитет.

Рем Колхас студирал архитектура во Лондон и во Cornell University во Итака, Њујорк. Тој е еден од партнерските основачи на ОМА и на нејзината партнерска фирма за истражување АМО, лоцирани во Ротердам, Холандија. Во 2000 година, тој ја добива Прицкеровата награда за архитектура, а во 2008 година, магазинот Time го избра меѓу 100-те највлијателни личности во светот.