ХЕП вложува милијарди во обновливи извори на енергија

Хрватската електропривреда (ХЕП) објави дека сака да го зголеми производството од обновливи извори на енергија со ревитализација на постоечките хидроцентрали (зголемување на инсталираната моќност), изградба на нови хидроцентрали, како и вложувања во други обновливи извори на енергија. Целта е до 2030 година да се зголеми уделот на обновливите извори во енергетскиот микс од сегашните 35% на 50%. Веќе започнатиот проект на ревитализација на постоечките хидрокапацитети, кој низ повеќе фази треба да финализира во 2028 година, ќе резултира во вкупно 160MW дополнителна инсталирана моќност, што е еднакво на една солидна нова електрана. Во почетна фаза е реализацијата на новата соларна централа Црес, соларната централа Вис, како и два ветропаркови.