Хамбург планира да создаде зелени површини над автопатот

Јавни зелени простори во облик на три нови паркови, наскоро ќе покријат поголем дел од автопатот (Autobahn) што минува низ Хамбург. Патната мрежа долга преку 12.000 километри минува низ центарот на Хамбург делејќи го градот на западен и источен дел. Проектот развиен од страна на Министерството за урбанизам и заштита на животната средина на Германија, предвидува затворање на одредени делови на трасата на автопатот со зелени покриви, со што ќе се збогати пејзажот и ќе се ублажат штетните последици од загадувањето на автомобилите.

Планирано е во првата фаза да се обезбедат зелени површини на три километри од автопатот. Германската влада верува дека овој проект ќе го поттикне порастот на бројот на жители во оваа област и прогнозира дека околу 2.000 нови куќи би биле изградени во близина на парковите. Реализацијата на проектот односно првата фаза започнува оваа година, а целиот проект треба да заврши во 2022 година.