Хајдар Алијев центар – Заха Хадид

Како дел од Советскиот Сојуз, урбанизмот и архитектурата во Баку, главниот град на Азејберџан, кој се наоѓа на западниот брег на Каспиското Море, се под големо влијание на советската архитектура.

Заха Хадид со својот тим на архитекти беше ангажирана за проектирање на Хајдар Алијевиот центар во Баку, по конкурсот кој беше распишан во 2007 година. Оваа зграда ќе биде употребувана за сите поголеми културни, музички и друг вид на свечености и собири.

Проектите на Заха Хадид се познати по тоа што таа во изобилие ги употребува меките и свиени форми, па и овој објект не е исклучок.

Водејќи се со нежно свитканите линии кои се масивни и нетранспарентни овој објект се отвара со огромни стаклени површини кон надворешноста, па така дотокот на природно дневно светло во никој случај не се доведува во прашање.

Оваа зграда е уште еден извонреден пример на оваа позната архитектка каде обмисленоста оди до крајни граници и постигнатиот естетски, функционален и модернистико – футуристички ефект е во целост постигнат.