Грција има наголем удел во производството на енергија од ветер и Сонце на Балканот

Независниот институт за енергетика и клима Ember, во својот неодамна објавен извештај Global Electricity Review, заклучува дека во 2021 година за прв пат глобалното производство на енергија од ветер и Сонце надминува 10%. Интересно е посебно да се анализира состојбата на Балканот преку бројките презентирани во овој извештај.

Грција е лидер на Балканот, со извонредни 28,7% удел на ветерот и Сонцето во прооизводството  на електрична енергија, и со овој резултат е осма во светот. Хрватска има удел од 14,5%, а потоа следуваат Романија (14%), Кипар (13,9%) и Турција (13,3%). За Црна Гора се утврдени 8,7%, односно 6,2% за Бугарија. Сите останати земји, од регионот се под 3%.