Граѓаните ја блокираа Србија бесни поради „литиумските“ закони

Граѓаните на Србија во саботата ги блокираа патиштата кај Бачка Паланка, Белград, Јагодина, Крагуевац, Нови Сад, Шабац, Чачак, Ваљево. На неколку локации дошло и до мали инциденти, како на пример во Нови Сад и Шабац.

Меѓу организаторите на блокадите се организациите Сојуз на еколошките организации на Србија (Савез еколошких организација Србије – СЕОС), кој обединува повеќе здруженија нa граѓани, како и кампањата „Крени-промени“. Овие организации и во текот на претходната недела организираа протести, на кои бараа да не се узвојуваат законите за експропријација и референдум, и тогаш порачаа дека доколку нивните барања не се усвојат, ќе организираат блокада на патиштата. Тоа и го направија во саботата, со најава дека следната блокада на патиштата ќе биде организирана на 4-ти декември.