Градови кои велосипедите ги имаат вклучено во основата на урбанистичкото планирање

Архитектурата и урбанизмот играат значајна улога во промовирањето на употребата на велосипеди. Градовите опремени со соодветни велосипедски патеки, паркинзи и јавни гаражи, ги охрабруваат граѓаните да се воздржат од користење автомобили и да се одлучат за многу поодржливо превозно средство. Велосипедите доаѓаат кај нас уште од античко време, но тие се и превозно средство за во иднина.

Овие 10 светски градови ги имаат вклучено велосипедите во јадрото на урбанистичкото планирање, што ги прави поодржливи, поздрави и еколошки.

КОПЕНХАГЕН, ДАНСКА

Копенхаген важи за еден од најпознатите пријателски градови во светот за велосипеди и околу 62 отсто од нејзините граѓани користат велосипеди на дневна основа како нивно основно превозно средство.

Овој град постојано инвестира во инфраструктура за велосипедизам и го прилагодува урбанистичкиот план за да биде што е можно поадекватен за велосипедистите. Меѓу обемната велосипедска инфраструктура, се издвојуваат четири велосипедски моста, а уште неколку се во фаза на планирање и изградба.

АМСТЕРДАМ, ХОЛАНДИЈА

Амстердам, кој исто така важи за еден од најпријатните градови за велосипедистите, во 2019 година претстави нов урбанистички план за 2022 година, кој е фокусиран на подобрување на паркинзите за велосипеди и постојната инфраструктура за велосипедизам.

Градот создава нови таканаречени „кралски патишта“ кои можат да соберат повеќе велосипеди, со оглед на тоа што илјадници нови луѓе се селат во градот секоја година. Тие исто така работат на зголемување на бројот на улици со мала брзина и редизајнирање на главните крстосници за да се обезбеди безбедност на велосипедистите.

УТРЕХТ, ХОЛАНДИЈА

Како и многу други холандски градови, Утрехт може да се пофали со високо развиена инфраструктура за велосипедизам, а нивниот план е двојно да се зголеми количината на велосипедизам до 2030 година.

Овој пресврт кон велосипедите е создаден како одговор на големите трошоци што ги создадоа автомобилите, што ги охрабри граѓаните да се одлучат за велосипеди во поголем број. Уште во 2017 година, Утрехт го отвори најголемиот паркинг за велосипеди во светот, кој има 22 илјади места за паркирање во пет зони, со цел да се овозможи најефикасно движење, односно влез и излез. Исто така, преку дигиталниот систем, корисниците на паркинг лесно можат да го најдат својот простор за паркирање.

БЕРЛИН, ГЕРМАНИЈА

Берлин е на врвот на европската листа на градови погодни за велосипеди. Во моментов, овој град спроведува нов план за велосипедски “автопати” кои промовираат велосипеди како ефикасно превозно средство.

По налог на Берлинскиот оддел за животна средина, транспорт и заштита на климата, беа истражени 30 велосипедски патеки низ градот, од кои за 12 беше одобрено целосно да се одделат од другите возила на патот. Иницијативата насочена кон безбедноста на велосипедистите на патот, се појави како резултат на стремежот да се зголеми бројот на велосипеди на 2,4 милиони до 2025 година.

БОГОТА, КОЛУМБИЈА

Во градовите како Богота, кој е во ТОП 3 градови во светот со најголем метеж во сообраќајот, промовирањето на употреба на велосипеди наместо автомобили е едно од клучните решенија за намалување на сообраќајниот метеж.

Иако градот сè уште не е целосно прилагоден на велосипедите, во урбанистичкиот план успешно се спроведени неколку решенија за поттикнување на употреба на велосипеди. Сепак, поттикнувајќи употреба на велосипеди, потребно е понатаму да се работи на безбедноста на граѓаните и да им се понудат решенија што ќе ја осигураат нивната безбедност.

СТРАЗБУР, ФРАНЦИЈА

Стразбур отсекогаш се сметал за прв град за велосипедизам во Франција бидејќи мрежата на велосипеди ја надминувала централизираната. Пред неколку години, градот спроведе нова стратегија за возење велосипед што ги охрабрува новите возачи да одлучат да возат велосипеди наместо автомобили. Тие го спроведоа ова преку реновирање на постојната мрежа, како и проширување на велосипедската патека Велострас, како и разгледување на употребата на товарни велосипеди.

АНТВЕРПЕН, БЕЛГИЈА

Овој град има добро организирани независни велосипедски патеки, паркинзи и програми за „делење возење“ и го намали ограничувањето на брзината на 30 километри на час на повеќето од неговите улици во градот.

Антверпен работи и на проширување на својата мрежа на велосипедски „автопати“ со правци без присуство на автомобили што водат кон туристички дестинации во регионот.

БАРСЕЛОНА, ШПАНИЈА

Во текот на последните неколку години, каталонската престолнина стана истакната во инвестициите во урбан велосипедизам со програми за споделување велосипеди, кои се сметаат за најдобри во светот.

Барселона исто така ја намали брзината во градот на 30 километри на час и додаде голем број нови ленти за велосипеди, што ги прави велосипедистите побезбедни во сообраќајот и ги охрабрува другите граѓани да го намалат или елиминираат нивното движење со автомобил или автобус.

МАЛМЕ, ШВЕДСКА

Малме може да се пофали со повеќе од 500 обезбедени велосипедски патеки, и е највисок меѓу шведските градови. За да се промовира употребата на велосипеди, градот спроведе кампањи како „Без смешни патувања со автомобил“, чија цел беше да ги убеди граѓаните да ја намалат употребата на автомобили.

Градот воведе и нови технологии во урбаниот систем, како што е спој со сензори, кои ги предупредуваат возачите на автомобили кога се приближуваат велосипедисти.

МОНТРЕАЛ, КАНАДА

Иако европските градови честопати водат во рангирањето на градовите кои се најсоодветни за велосипеди, тука е и Монтреал, кој исто така зазема водечка улога на ова поле кога станува збор за глобални размери.

Во последниве години, градот инвестираше во подобрување на својата велосипедска инфраструктура со додавање на 600 километри велосипедски патеки долж патната мрежа. Монтреал е домаќин и на велосипедски фестивал кој им овозможува на велосипедистите да го обиколат овој град на две тркала.