Градот Виена ја доби својата 25. по ред соларна централа

Виенското пристаниште на Дунав, во соработка со компанијата за снабдување со енергија “Wien Energie“, постави фотоволтаични  панели на покривот на авто-складиштето во Freudenau. На оваа локација соларните панели ќе можат да обезбедат една четвртина од потребите од електрична енергија, односно 290.000 kWh на годишно ниво.

Се работи за вкупно 1.076 фотоволтаични модули поставени на површина од 4.000 m2.

Ова е 25. соларна централа во Виена. Пристаништето Виена спаѓа во најголемите тримодални логистички центри на Дунав и претендира да стане пример во користењето на обновливите извори на енергија и штедење на ресурсите.