Порта3 – градежништво, архитектура и екологија Порта3 – градежништво, архитектура и екологија
Како победник на конкурсот за дизајн „Нова градина на 21 век“ во Варшава, Полска, се издвојува проектот на данското архитектонско студио Mecanoo Architecten.
Градината и павилјонот предложени од студиото се позиционирани во популарниот градски парк Lazienki, кој се простира околу серија историски објекти од 18. и 19. век.
Наречена „Градина на 21 век“, оваа нова адиција се состои од триаголен фрагмент на пејзажна архитектура вкрстена со брановидна патека под која затскриено се нижат изложбените простори.
Проектот за новата градина е специфичен поради тоа што дизајнот на подземниот павилјон континуирано го следи пејзажното обликување. Како доминантен сегмент во структурата на павилјонот се истакнува спирално скалиште кое ги поврзува влезното ниво и галеријата.
Павилјонот е конципиран на начин во себе да ги смести привремените изложбени поставки, додека пак градината би се користела за образовни и рекреативни цели.
