Gotham: Луксузна продавница за канабис отворена во Њујорк

Центарот на Њујорк штотуку доби нова продавница за канабис од висока класа.

Двокатен простор по име Gotham ги отвори вратите на 10. мај, во населбата Boveri во Големото јаболко. Основана е од Џоан Вилсон, позната по нејзините инвестиции во брендови како Food52, Parachute и Sweet Loren’s.

Во продавницата ќе се најдат сите видови производи од канабис, од јадења и електронски испарувачи до цигари и масла спремни за конзумирање. Заедно со сопствените производи, облека и додатоци, Gotham на клиентите ќе им понуди и производи од врвна класа од други брендови со седиште во Њујорк, како што се Edie Parker, Flowerhouse, House of Puff, Rose New York x David Zilber и Noma.

Продажниот простор од 260 квадратни метри, проектиран од Cinema Vitae, има модерна естетика, а дрвото доминира во целиот ентериер. Вториот дел од продавницата има минималистички дизајн со стаклени полици кои содржат производи базирани на CBD, додека скалите на водат на вториот кат.

Продавницата има и изложбен простор кој ќе биде домаќин на специјални настани, како и изведби на уметници од Њујорк. Во просторот ќе има и постојана инсталација на мултимедијалната уметница Moli Lou од Њујорк.

„Сакавме да создадеме простор кој ќе биде прв од ваков вид, во центарот на градот и кој ќе се разликува од локалната водечка продавница“, рече главниот креативен директор на Gotham, Били Ричардс. „Gotham е вистинска концептуална продавница каде посетителите можат да откријат нешто ново, да истражуваат брендови и да уживаат во неверојатна уметност преку посебна њујоршка естетика. И, се разбира, продаваме и канабис“.

Њујорк минатата година ја легализираше марихуаната, дозволувајќи им на локалните жители да поседуваат до 85 грама канабис за лична употреба. Додека во градот се појавиле продавниците во аптекарски стил, Gotham верува дека ќе им се допадне исклучиво на богатите купувачи кои го ценат луксузот.